Ni BRENDA S. DACPANO
www.nordis.net
Chinese New Year ti kapategan ken kaatiddogan nga holiday kadagiti Chinese nga agbayag iti dua a lawas. Maysa kadagiti napateg a paset ti baro a tawen ket dagiti maidasar a taraon. Tunggal makan ket adda kaibatogan na a kaipapanan wenno simbolo. Kas ti dumpling wenno jiaozi iti Chinese a simbolo ti kinarang-ay wenno kinabaknang gapu ta ti langa daytoy ket kasla kadaanan a pirak ken gold ingots (gold bars).
Iti rabii ti media briefing idiay Hotel Supreme, insuro ti maysa a chef ti hotel no kasano ti agaramid ti dumpling. Napalamanan daytoy ti giniling a karne, kutsay, bassit a laya, natimplaan ti asin ken paminta. Maipaburek ti dumplings iti danum. Idasar nga addaan sawsawan a Chinese black vinegar wenno soy-vinegar. Gapu ta saan met a naited idiay demo ti resipe ti dumpling, ‘toy sumaruno ti bersyon ko iti panagaramid ti dough ti dumpling.
Ramen:
2 tasa nga arina (all-purpose flour)
¾ tasa nga kaburburek a danum
Preparasyon:
1. Iti dakkel a malukong, ikabil ti arina ken agaramid ti kasla bubon iti tengnga a pangibukbukan ti napudot a danum. Agusar ti aklo a kayo wenno kawayan a pangkiwar bayat nga in-inot nga ibukbukbok ditoy ti napudot a danum. No naikiwaren amin a danum, imasa ti dough. No saan pay a nagdedekket amin nga arina mabalin a nayunan ti sanga-kutsarita wenno sanga-kutsara a napudot a danum.
2. Imasa ti dough iti counter, lamisaan wenno kneading board. No kasapulan nga ikkan ti arina ti kneading board ket warakiwakan bassit tapno saan a dumket ti dough. Imasa iti agarup dua minutos, saan a sobraan ti pannakamasa daytoy tapno saan a natangken. Ikabil ti dough iti malukong santo kaluban iti cellophane/cling wrap wenno ikabil iti uneg ti plastic bag. Bay-an nga aginanga ti dough iti room temperature iti 15 minutos wenno agingga dua nga oras tapno umalsa (rise).
3. Iporma ti dough tapno agbalin a wrapper ti dumpling. Pormaen iti nagbukel nga agarup maysa pulgada iti diametro. Pagdaplaken daytoy babaen iti rolling pin a bassit wenno ipidas babaen iti cleaver knife (badang) iti kaingpis a 1/8 pulgada ken naing-ingpis pay iti igid na. Makaaramid ti 25 agingga 35 a wrapper.
4. Palamanan ti wrapper iti giniling a karne, pasayan, ikan, manok wenno natnateng a natimplaan ti kutsay wenno tinadtad a lasona/leeks, bawang , asin ken paminta. Adu ti mabalin nga ipalaman ditoy, mangamong kayon no ania ti kayat yo nga ipalaman.
5. Adda tallo a klase iti panagluto ti dumplings: impaburek, pinasengngawan ken pinirito.
Impaburek. Agipaburek ti danum iti nauneg a kaserola. Ipisok dagiti dumplings ditoy, kiwaren tapno saan nga agdedekket. No nagtapawen dagiti dumplings bukbukan ti nabaaw a danum tapno bumaba ti temperatura daytoy. Pagbureken manen santo adawen ken paik-ikan.
Pinasengngawan. Agusar ti kaserola a pagpasengngawan, ‘tay adu a kadsaaran (3-4 a tukad) wenno agusar ti basket/tray a kawayan a mabalin a pagtutuonen a pagpasengngawan. Punasan iti mantika ti uneg ti pagpasengngawan tapno saan a dumket dagiti ikabil a dumpling. Ikkan ti danum ti akinbaba a kaserola ken ipaburek. No agusar ti kawayan a basket/tray, ipaburek ti danum iti dakkel a pariok wenno silyasi santo ditoy nga iparabaw dagiti basket/tray. Bayat nga ur-urayen nga agburek ti danum, iplastar dagiti dumpling kadagiti basket. Iparabaw dagiti basket iti kaserola/silyasi no nagbureken ti danum. Kaluban. Pasengngawan iti agarup 20 minutos wenno nabaybayag bassit depende no kasano kadakkel ti inaramidyo a dumpling ken no ania ti linaon daytoy a palaman. Pinirito. Ipaburek wenno pasengngawan nga umuna ti fresh dumplings sakbay nga iprito. No agusar ti wanton wrapper, saanen a kasapulan nga ipaburek wenno pasengngawan pay, diretson daytoy nga iprito. Ipapudot ti pariok ken ikabil ti mantika (shallow frying). Ikabil ti dumplings. Balikiden daytoy no nagmaris light brown daytoy, adawen no naluton ti agsumbangir.#
www.nordis.net
Chinese New Year ti kapategan ken kaatiddogan nga holiday kadagiti Chinese nga agbayag iti dua a lawas. Maysa kadagiti napateg a paset ti baro a tawen ket dagiti maidasar a taraon. Tunggal makan ket adda kaibatogan na a kaipapanan wenno simbolo. Kas ti dumpling wenno jiaozi iti Chinese a simbolo ti kinarang-ay wenno kinabaknang gapu ta ti langa daytoy ket kasla kadaanan a pirak ken gold ingots (gold bars).
Iti rabii ti media briefing idiay Hotel Supreme, insuro ti maysa a chef ti hotel no kasano ti agaramid ti dumpling. Napalamanan daytoy ti giniling a karne, kutsay, bassit a laya, natimplaan ti asin ken paminta. Maipaburek ti dumplings iti danum. Idasar nga addaan sawsawan a Chinese black vinegar wenno soy-vinegar. Gapu ta saan met a naited idiay demo ti resipe ti dumpling, ‘toy sumaruno ti bersyon ko iti panagaramid ti dough ti dumpling.
Ramen:
2 tasa nga arina (all-purpose flour)
¾ tasa nga kaburburek a danum
Preparasyon:
1. Iti dakkel a malukong, ikabil ti arina ken agaramid ti kasla bubon iti tengnga a pangibukbukan ti napudot a danum. Agusar ti aklo a kayo wenno kawayan a pangkiwar bayat nga in-inot nga ibukbukbok ditoy ti napudot a danum. No naikiwaren amin a danum, imasa ti dough. No saan pay a nagdedekket amin nga arina mabalin a nayunan ti sanga-kutsarita wenno sanga-kutsara a napudot a danum.
2. Imasa ti dough iti counter, lamisaan wenno kneading board. No kasapulan nga ikkan ti arina ti kneading board ket warakiwakan bassit tapno saan a dumket ti dough. Imasa iti agarup dua minutos, saan a sobraan ti pannakamasa daytoy tapno saan a natangken. Ikabil ti dough iti malukong santo kaluban iti cellophane/cling wrap wenno ikabil iti uneg ti plastic bag. Bay-an nga aginanga ti dough iti room temperature iti 15 minutos wenno agingga dua nga oras tapno umalsa (rise).
3. Iporma ti dough tapno agbalin a wrapper ti dumpling. Pormaen iti nagbukel nga agarup maysa pulgada iti diametro. Pagdaplaken daytoy babaen iti rolling pin a bassit wenno ipidas babaen iti cleaver knife (badang) iti kaingpis a 1/8 pulgada ken naing-ingpis pay iti igid na. Makaaramid ti 25 agingga 35 a wrapper.
4. Palamanan ti wrapper iti giniling a karne, pasayan, ikan, manok wenno natnateng a natimplaan ti kutsay wenno tinadtad a lasona/leeks, bawang , asin ken paminta. Adu ti mabalin nga ipalaman ditoy, mangamong kayon no ania ti kayat yo nga ipalaman.
5. Adda tallo a klase iti panagluto ti dumplings: impaburek, pinasengngawan ken pinirito.
Impaburek. Agipaburek ti danum iti nauneg a kaserola. Ipisok dagiti dumplings ditoy, kiwaren tapno saan nga agdedekket. No nagtapawen dagiti dumplings bukbukan ti nabaaw a danum tapno bumaba ti temperatura daytoy. Pagbureken manen santo adawen ken paik-ikan.
Pinasengngawan. Agusar ti kaserola a pagpasengngawan, ‘tay adu a kadsaaran (3-4 a tukad) wenno agusar ti basket/tray a kawayan a mabalin a pagtutuonen a pagpasengngawan. Punasan iti mantika ti uneg ti pagpasengngawan tapno saan a dumket dagiti ikabil a dumpling. Ikkan ti danum ti akinbaba a kaserola ken ipaburek. No agusar ti kawayan a basket/tray, ipaburek ti danum iti dakkel a pariok wenno silyasi santo ditoy nga iparabaw dagiti basket/tray. Bayat nga ur-urayen nga agburek ti danum, iplastar dagiti dumpling kadagiti basket. Iparabaw dagiti basket iti kaserola/silyasi no nagbureken ti danum. Kaluban. Pasengngawan iti agarup 20 minutos wenno nabaybayag bassit depende no kasano kadakkel ti inaramidyo a dumpling ken no ania ti linaon daytoy a palaman. Pinirito. Ipaburek wenno pasengngawan nga umuna ti fresh dumplings sakbay nga iprito. No agusar ti wanton wrapper, saanen a kasapulan nga ipaburek wenno pasengngawan pay, diretson daytoy nga iprito. Ipapudot ti pariok ken ikabil ti mantika (shallow frying). Ikabil ti dumplings. Balikiden daytoy no nagmaris light brown daytoy, adawen no naluton ti agsumbangir.#
No comments:
Post a Comment